Skip to main content

நாயகனுக்கு சாமானியனாய் சில கேள்விகள்!!!



நடிகனாய் இவ்வூர் போற்றும் நாயகனுக்கு சாமானியனாய் சில கேள்விகள்!!!

இன்றைய இளைய தலைமுறையும் சரி , அதற்கு முந்தைய என் தகப்பன் தலைமுறையும் சரி , அனைவரும் உங்கள் படங்களை பார்த்தே வளர்ந்தவர்கள்.

பல பேசும் படங்களில் நீவிர் நடித்த போதே பேசாமல் சில அரசியலை பேசிவிட்டீர்.

தெளிவான தமிழை புதிர்போட்டு எழுதுவதில் உம்மை மிஞ்சிட ஆளுண்டோ.

உம் கனக்கின்ற குரலுக்கு தான் எத்துனை எதிர்ப்பார்ப்பு.

எதிர்ப்பார்த்த வேளையில் மெளனம் காத்து , எதிர் பார்க்கா நேரத்தில் எகிறி அடிக்கிறாயே!!

காவி என் நிறமல்ல என்கிறாய்,
கூடவே கருப்புக்குள் காவியுண்டு என்கிறாய்.

திராவிடத்தை ஒதுக்குகிறாய்,
பகுத்தறிவை புகுத்துகிறாய்!!!

ஊரோடு கூடி வாழ்ந்தவர்
சட்டென்று மெளனம் கலைக்க
காரணம் தான் என்னவோ ?

இலைகள் கயவரின் பிடியில் கருக, சூரியனும் வெளிச்சமின்றி தவிக்கும்
இவ்வேளையிலா நீவிர் மெளனம் கலைக்க வேண்டும்.

எல்லாம் போகட்டும் , மாற்று அரசியலை எதிர்பார்த்து ஓர் கூட்டமே காத்திருக்க , கடந்த ஆண்டு தாமரையை ஓர் விதமாய் ஆதரித்தீர் , இன்று அதற்காக வருந்தவும் செய்கிறீர்.

உங்கள் நிலைப்பாடு தான் என்ன உலகநாயகனே ?

தனியார் தொலைக்காட்சியில் அரசியல் பேசுகிறீர் , இந்து தீவிரவாதத்தை இந்திய அளவில் விவாத பொருளாக்குகிறீர்.

உம் நற்பணி இயக்க தோழர்களோடு நீவிர் மக்களுக்கு செய்த பணிகளை இம்மக்கள் அறிவர்.

40 ஆண்டு காலம் ஓர் இயக்கத்தை கட்டுக்கோப்போடு வளர்ப்பதென்பது சாதாரண காரியமல்ல , அப்போதே அரசியலை கற்க ஆரம்பித்துவிட்டீர்.

சரியாக வரி கட்டும் கலைஞன் என்ற முறையில் சாமானிய மக்கள் மனதிலும் என்றோ இடம் பிடித்துவிட்டீர்.

ஓட்டிற்கு பணம் வாங்கியே பழக்கப்பட்ட எங்களிடம் , நீங்கள் கட்சி நடத்த நிதி கேட்டது ஆச்சிரியத்தையும் மாற்று அரசியலுக்கான ஓர் பாதையையும் தெளிவாய் எங்கள் கண் முன் காட்டியது.

ஊழலில்லா தேசத்தை உருவாக்குவேன் என்று சொல்லி தோற்றுப்போன அரசியலுக்கு மத்தியில், எங்களுக்கு உங்கள் பேச்சும் மற்றுமொரு நம்பிக்கை தான்.

இருந்தும் ஓர் சாமானியனாய் உங்களிடம் இப்போது இருக்கும் கேள்விகள் ?

நீங்கள் உங்கள் அரசியல் பயணத்தை அதிகாரபூர்வமாக எப்போது துவங்குவீர்கள் ?

ஓட்டு வங்கி அதிகம் உள்ள திராவிட கட்சிகளுடன் தன் பேச்சை மாற்றிக்கொண்டு கமல் இணைவாரா ?

தமிழகம் எதிர்த்திடும் மத்திய கட்சியோடு ஓர் அங்கம் வகிப்பாரா கமல் ?

பட்டுப்போகும் திராவிட கட்சிகளுக்கு மாற்றாக நாயகனின் பிரவேசம் துளிர் விடுமா ?

பொறுத்திருந்து தான் பார்க்க வேண்டும்.
திரைத்துறையில் இருந்து அரசியல் களம் கண்ட பலரில் வெகு சிலரே அரியணையில் அமர்ந்துள்ளார்கள்.

நம் சண்டியரும் தனி ஆளாய் , திகட்டா கொள்கை கொண்டு விஸ்வரூபம் எடுத்து வெகு விரைவில் அரியணை ஏற்வாறா ?

#சாமானியனின்_கேள்விகள்

Comments

Post a Comment

Popular posts from this blog

Let start your Career on SEO

First of all you may know what is SEO ?    SEO stands for “ Search Engine Optimization” . It is the process of getting traffic from the Free , Organic,  Editorial OR Natural  search results on search engine . All Major famous search engines such as Google , Bing , Yahoo and  Mozilla have primary search results ,  where web pages and other content such as videos or local listings are shown and ranked based on what the search engine considers most relevant to users. Payment isn’t involved, as it is with paid search ads . SEO Advices for Beginners Making all those “wants” match up is the job of search engine optimization. SEO professionals employ a variety of different strategies to make websites appear higher in your list of results and make it more likely that you’ll click on them to find what you’re looking for. SEO is important for lots of companies because if people find you via a web search and find what they’re looking for, you can recei...
1 comment
Read more

‪அவன்‬ ‪ஒரு‬ ‪‎கிராதகன்‬ 3.0

என் மனதை களவாடிய கள்வன் எனக்கு எதிரே , நான் சொன்ன அதே வெள்ளை நிற சட்டையில் அவனின் கூரிய விழிகளால் என்னை கூச்சப்பட வைக்கிறான். எனக்குள் ஏதோ ஒரு மாற்றம் , அருகில் செல்லும் வாகன சத்தம் கூட வயலின் வாசிக்கிறது. எண்ணெயில்லா தலையிலும் என் தலைவன் எடுப்பாக தான் இருக்கிறான். அதீத கருப்புக்குள் ஆவியை முக்கி எடுத்த நிறம். எனக்கு தெரிகிறது இன்னும் சிவக்காத அவன் இதழ்கள் , சிவந்த என் இதழ்களை தேடிக்கொண்டிருக்கிறது. ஆன்மீகமே அறியா நாத்திகன் கையில் சிவப்பு கையிறு , அவன் அம்மாவின் ஆசைக்காக அதுகூட அழகுதான். எவ்வளவு நாள் காத்துக்கிடந்தேன் உன்னைக்கான , என்னை கண்டதும் இப்படி பம்புகிறாயே கயவா ? நெற்றியின் ஒரம் வியர்வை துளிகள் உன்னை தடவிக்கொண்டே செல்கிறதே ? நான் கண்ட நொடி அவை அனைத்தும் மண்ணிற்குள் மடிகிறதே கிராதகா , எவ்வளவு நேரம் இப்படியே பார்த்துக்கொண்டிருப்பாய். என் இதழ்கள் துடிக்குதடா உன்னுடன் பேச , என் உள்ளங்கை மருதானியும் கொஞ்சம் , ஏங்குதடா உன்னை தொட்டு பார்க்க ... ஆத்திகியாய் இருக்கும் என்னை , நாத்திகியாய் மாற்றிவிடு , உன் இதழ் கொண்டு என் திருநீரை அழித்துவிடு. "ஏன் சிர...
Post a Comment
Read more

சுழலும் சக்கரம் பகுதி - 5

ஆனால் , இவை அனைத்தையும் வெளியிலிருந்து பார்த்து கொண்டிருந்த ஆனந்திற்கு பலவித யோசனை. கடன் தான கேட்கிறார் , எப்படியும் திரும்ப கட்ட போவது தான , அதுக்கு ஏன் இப்படி அவமானபடுத்துறாங்க , என்று தன் மனதுக்குள் எண்ணி கொண்டான். அப்பா கடனெல்லாம் வாங்க வேணாம் , கிளம்புங்க போகலாம் என்று சொல்லதுடித்த மனதிற்க்கு , அவனின் புதிதான குடிகார மூளை இடம் கொடுக்காமல் , கொஞ்சம் விலகி நிற்க செய்தது. ஆனால் , வீட்டிற்குள் கைகட்டி நின்றிருந்த கைலாசமோ , இது தான் நான் வாங்கும் கடைசி கடன் , இனி என் பிள்ளை வந்திடுவான் , என் கஷ்டமெல்லா தீந்திடும் , என்று ஆகாய பந்தலில் கோட்டை கட்டி கொண்டிருந்தார். செட்டியாரின் கால்கள் உணவுண்ட கையோடு மெதுவாக நகர்ந்தது. அருகிலிருந்த நீர்குவளையில் கையை நனைத்துவிட்டு , அவருக்கான சிம்மாசனத்தில் கொஞ்சம் அயர்ந்தவராய் தன்னை சாய்த்துகொண்டார். "எவ்வளவு டா பணம் கேட்ட ? என்ற செட்டியாரின் வார்த்தை கைலாசத்திற்க்கு கேட்டதோ என்னவோ , அதை ஜன்னல் வழியே பார்த்து கொண்டிருந்த ஆனந்தின் செவிகளுக்கு தேனாக பாய்ந்தது. அய்யா , "5000 பையனுக்கு பீஸ் கட்ட வேணும்ங்க" கூட 500 சேர்த்து தா...
Post a Comment
Read more