‪வீட்டிற்குள்‬ ‪சிறைவாசம்‬

சின்ன சின்ன வயதில் தான்
செல்லமாய் வளர்த்து வந்தான்

கேட்டவை அனைத்தையும்
நான் கேட்காமல் வாங்கி தந்தான்

பூப்பெய்திய நாளில் தான்
தொடங்கியது என் போராட்டம்

ஆறு மணி ஆனதுமே
அரக்கபறக்க ஓட வேண்டும்

ஆறு ஐந்து ஆனாலே
ஆக்ரோசமாய் குரைத்திடுவான்

தலை குனிந்து நடந்தாலே
தரித்திரங்கள் போய் விடுமாம்

தலை நிமிர்ந்த ஒரு கனம்தான்
என் தலைவனை கண்டுகொண்டேன்

நான் ரசித்த முதல் ஆண்
என்னை ரசித்த முதல் ஆண்
என்பதிலே எனக்கொரு கர்வம் தான்

சொந்தகார சகுனிகளால்
விசயமும் கசிந்து விட
வளர்த்தவனும் விஷமியானான்

வீட்டிற்குள் சிறை வைத்து
அதற்குமொரு காவலிட்டு
கருந்தேளாய் கொட்டுகிறான்
காதலித்த கொடுமைக்காக ...

நான் ரசித்தவனும் ஒதுங்கி விட
என் மூளையும் கொஞ்சம் குழம்பி போனது ..

இதில் யாரை குறை சொல்ல
என்னை வளர்த்தவனையா
இல்லை
நான் ரசித்தவனையா

குளம்பி போன இக்கன்னிக்கு
வீட்டிற்குள்ளே சிறைவாசம்
கன்னித்தீவாய் தொடர்கிறது...