சுழலும் சக்கரம் பகுதி - 5

ஆனால் , இவை அனைத்தையும்
வெளியிலிருந்து பார்த்து கொண்டிருந்த ஆனந்திற்கு பலவித யோசனை.

கடன் தான கேட்கிறார் , எப்படியும் திரும்ப கட்ட போவது தான , அதுக்கு ஏன் இப்படி அவமானபடுத்துறாங்க , என்று தன் மனதுக்குள் எண்ணி கொண்டான்.

அப்பா கடனெல்லாம் வாங்க வேணாம் , கிளம்புங்க போகலாம் என்று சொல்லதுடித்த மனதிற்க்கு , அவனின் புதிதான குடிகார மூளை இடம் கொடுக்காமல் , கொஞ்சம் விலகி நிற்க செய்தது.

ஆனால் , வீட்டிற்குள் கைகட்டி
நின்றிருந்த கைலாசமோ , இது தான் நான் வாங்கும் கடைசி கடன் , இனி என் பிள்ளை வந்திடுவான் , என் கஷ்டமெல்லா தீந்திடும் , என்று ஆகாய பந்தலில் கோட்டை கட்டி கொண்டிருந்தார்.

செட்டியாரின் கால்கள் உணவுண்ட கையோடு மெதுவாக நகர்ந்தது.

அருகிலிருந்த நீர்குவளையில் கையை நனைத்துவிட்டு , அவருக்கான சிம்மாசனத்தில் கொஞ்சம் அயர்ந்தவராய் தன்னை சாய்த்துகொண்டார்.

"எவ்வளவு டா பணம் கேட்ட ? என்ற செட்டியாரின் வார்த்தை கைலாசத்திற்க்கு கேட்டதோ என்னவோ , அதை ஜன்னல் வழியே பார்த்து கொண்டிருந்த ஆனந்தின் செவிகளுக்கு தேனாக பாய்ந்தது.

அய்யா , "5000 பையனுக்கு பீஸ் கட்ட வேணும்ங்க" கூட 500 சேர்த்து தாங்கய்யா , புள்ள வெளியூர் போறான் , கைசெலவுக்கு குடுக்கனும் என்றார் பணிவான குரலில் ..

ஆஹா , ஜன்னலின் ஓரம் ஒட்டி கொண்டிருந்த ஆனந்திற்க்கு அளவில்லா மகிழ்ச்சி , கூட ஒரு 500 சேர்த்து கிடைக்க போவுது என்று ...

ஏய் , பத்மா அந்த பெட்டியில இருந்து ஒரு 6000 எடுத்துட்டு வா " என்று ஒலித்தது செட்டியாரின் குரல்.

கைகட்டி நின்று கொண்டிருந்த கைலாசத்தின் மனதும் கொஞ்சம் ஆசுவாசமானது.

டேய் , ஏதோ நிலபத்திரத்த அடமானம் வச்சிருக்கையேன்னு சொல்லிதான் , நீ கேக்கரப்பவெல்லாம் கொடுத்திட்டுருக்கேன் " பாத்து நடந்துக்கோ.

"அடுத்த மாசத்திலிருந்து ஒழுங்கா வட்டி கட்டுற வழிய பாரு",

ஆ , "சரிங்கய்யா , கண்டிப்பா கட்டிருறேன் சாமி"

ஏய் பத்மா , இன்னும் அங்க என்ன பண்ணிட்டிருக்கிறவ , என்று கொஞ்சம் கடிந்து கொள்ள ...

அட , "இருங்க வந்திட்டு தான இருக்கேன்"

"இந்தாங்க புடிங்க" , என்று பணத்தை நீட்டினாள்.

"ஊரான் வீட்டு நாயிக்கெல்லாம்
ஓடி ஓடி உதவி செஞ்சு
ஓலை குடிசையில படுத்தானாம் , பணம் கொடுத்த பாரிவள்ளேன்" என்று முனுமுனுத்து கொண்டே உள்ளே நகர்ந்தார் செட்டியாரின் மனைவி.

இவற்றையெல்லாம் வெளி இருந்து கேட்டு கொண்டிருந்த , ஆனந்திற்கு தூக்கி வாரி போட்டது.

"யார கேட்டு இந்த ஆளு இடத்த அடமானம் வச்சாரு", என்று மனதுக்குள் கொதித்து கொண்டிருந்தான்.

"அந்த ஆளு வெளிய வரட்டும் , இன்னைக்கு ரெண்டுல ஒன்னு கேட்டுறேன்" , என்று தனக்குதானே பேசிகொண்டிருந்தான்.

"டேய் , இதுல கைநாட்டு வச்சிட்டு , இந்தா பணத்த வாங்கிட்டு போ" ,

சரிங்க சாமி , வரனுங்க என்றவாரே பணத்தை பெற்றுகொண்டு மெல்ல நகர்ந்தான்.

வெளியே வந்த கைலாசத்தை கண்ட ஆனந்தின் கண்கள் கடும் கோபத்தோடு ....

#சுழலும் #சக்கரம் #பகுதி_5

‪#‎தொடரும்‬