‪மதிப்பெண்‬ ‪‎வாழ்க்கை‬

அவனுக்கு நன்றாக நினைவிருக்கும் ..ஆம் அன்று தான் பத்தாம் வகுப்பு தேர்வு முடிவு ..ஊரெங்கும் பரப்பரப்பிற்கு பஞ்சமின்றி அதைதான் எதிர்நோக்கி காத்து கொண்டிருந்தது.
அவனும் அதை நினைத்து கொண்டே தான் இரவு முழுதும் உறக்கமின்றி அதிகாலையில் பயத்துடன் படுந்திருந்தான் . பத்தாம் வகுப்பில் எடுக்கும் மதிப்பு தான் வாழ்வின் முதல் படி என்று எண்ணும் சராசரி தகப்பனின் மனநிலை தான் அவனின் தந்தைக்கும்.
அவன் கண்களுக்கு அன்று மட்டும் தான் கடிகார முட்கள் வேகமாக சுழன்றது ... பத்து மணியை நெருங்க இன்னும் இருபது நிமிடம் உள்ளது . இருந்தும் தந்தையும் மகனும் தயாராகிவிட்டனர் .. இன்டெர்னெட் சென்டருக்கு செல்ல ..
போகும் வழியெங்கும் வழிப்பறி திருடனை போல் ஆங்காங்கே நின்ற சொந்தங்கள் இவன் வாயை கிழறி கொண்டிருந்தனர் . அதையெல்லாம் ஒரு வழியாக கடந்து இன்டெர்நெட் சென்டரின் முன் தந்தையும் மகனும் சென்றாகிவிட்டது.
இன்னும் பத்து நிமிடங்களில் அவன் வாழ்வின் முதற்படியை நிர்னயிக்கும் மதிப்பெண் வெளியாக போகிறது.
அந்த பத்து நிமிட இடைவெளிக்குள் பலவாரான பேச்சுக்கள் அந்த இடத்தையே அலைவரிசை போல் ஆக்கியது.
நேரமும் பத்தாகிவிட இவன் கைவிரல்கள் அவனின் ரெஜிஸ்டர் நம்பரை டைப் செய்தது .
என்ன ஒரு ஆச்சரியம் அவன் சற்றும் எதிர்பார்க்காத மதிப்பெண் 461 என்று காட்டியதும் , தந்தையை கட்டி அணைத்தவாரு பிரிண்ட் எடுத்து கொண்டு வெளியே வந்தான் .
யாரென்றே தெரியாத நபரும் கூட தம்பி எத்துனை மார்க்ங்க என்று நலம் விசாரித்த படி சென்றார் .
அந்த இன்டெர்நெட் சென்டரின் வாயிலில் பல முகங்கள் வெவ்வேறு முகபாவனையை வெளிபடுத்தியவாரு நகர்ந்து சென்றனர்.
அதே இடத்தில் சிலரது கைகள் தங்கள் பிள்ளைகளை தட்டி கொடுத்து கன்னத்தை சிவக்க வைத்தன .
மாநில அளவில் முதல் மார்க் எடுத்த மாணவனை டி.வி யில் பார்த்துக்கொண்டிருக்கும் அதே நேரத்தில் , தூக்கு கயிற்றை தன் கழுத்திற்கு ஆபரணமாக்கும் துர்பாக்கியசாலிகளை பற்றி துளியேனும் எவரும் நினைக்காமல் அடுத்த நாள் வரும் செய்திதாளை பார்த்து பாவப்படுவார்கள்.
அது ஒருபுறம் இருக்க அவனின் தந்தையும் அவனும் அடுத்த படியை தேர்வு செய்யும் சிறைசாலையை நோக்கி பயணம் செய்ய ஆயுத்தமாகினர்.
பாவம் அந்த வயதில் அவன் அறிந்திருக்க வாய்ப்பில்லை ஹாஸ்டல் என்னும் சிறைசாலையை பற்றி ...
தன்னுடனே வைத்து அழகு பார்க்க வேண்டிய தன் மகனையும் / மகளையும் படிப்பு என்ற பெயரில் விடுதிக்கு தத்து கொடுக்கும் தத்துவ வாழ்வியல் பெற்றவர்களுக்கு சரி எனில் , தலைக்கன படிப்பை படித்து முடித்து நல்ல வேலையில் உள்ள போது முதியோர் இல்லம் தான் உங்களுக்கு சரி என்று பெற்றோர்களை பிள்ளைகள் அனுப்பி வைப்பதும் சரியே என்று தான் தோன்றுகிறது.
‪#‎தொடரும்‬
‪#‎மதிப்பெண்‬ ‪#‎வாழ்க்கை‬