இரவல்வாசிகள்‬

மெட்ரோ சிட்டியின் சாலைகளில் ஆங்காங்கே நடைபிணமாய் உயிர்வாழ உணவின்றி உணவிற்கு கையேந்தும் முதியோர்கள் எங்கிருந்து வந்திருப்பார்கள் .

ஒரு வேளை பிறந்தது முதலே கையேந்தி தான் வாழ்ந்திருப்பார்களா ? இல்லை அவர்களுக்கு பிறந்த பிள்ளைகளால் அப்படி ஆக்கப்பட்டிருப்பார்களா?

ரயில் நிலையங்களிலும் , சிகப்பு விளக்கு நிறுத்திகளிலும் தங்களின் கை ஒடிந்து , கால் இழந்து வாழும் உத்தமர்களையும்
காரில் செல்பவர்களிடம் கைகூப்பி இரவல் கேட்கும் இல்லாதவர்களையும் நினைத்தாலே விழிகள் நனைகிறது .

அரசு தான் இலவச முதியோர் இல்லங்களை இலவசமாய் கொடுக்கிறதே ? இருந்தும் இவர்கள் ஏன் இருக்க இடமின்றி உண்ண உணவின்றி கையேந்தி நிற்கிறார்கள் .

அரசின் இலவச முதியோர் இல்லத்திற்கு செல்லகூடாத அளவிற்கு இவர்கள் தாழ்த்தபட்டவர்களா ? இல்லை தன்னை தன் மகன் கண்டு கொள்ள வில்லையே என்ற விரக்தியில் கையேந்துபவர்களா ?
புரியாத புதிர் தான் அவர்களின் வாழ்க்கை ..

இது ஒரு புறம் இருக்க கையேந்தி வருபவர்களிடம் கையசைத்து கண்நகைக்கிறது .இந்த கர்வம் பிடித்த கணிணி மூளை .

இத்துனைக்கும் அவர்கள் இரவல் கேட்பது இல்லாதவரிடம் இல்லை , கார்பரேட்டில் வேலை செய்யும் காரியவாதிகளிடம் தான் .
இந்த காரியவாதிகள் தான் இருந்தும் இல்லாதது போல் நடிக்கும் நடிகர் திலகங்கள் .

இதையும் கூட விட்டுதெலைக்கலாம் ஆனால் இந்த இரயில் நிலையங்களில் இதிகாச இலக்கியவாதியை போன்று காதில் ஒன்றும் , தோளில் ஒன்றும் மாற்றிகொண்டு எதையுமே கண்டுகொள்ளாமல் சுற்றும் நல்ல உள்ளங்களை பார்க்கும் போது தான் மீண்டும் ஒருமுறை சுனாமி வராதா என்று கூட தோன்றுகிறது .

சரி அதுவும் ஒரு புறம் இருக்கட்டும் , இவ்வாறு கையேந்தும் முதியோரின்
முடிவு என்னவாக இருக்கும்? இப்படியே இரவல் கேட்டே இடிகுழிக்குள்
தள்ளபடுவார்களா ? இல்லை இரக்கம் காட்டதவரை நினைத்து இடிந்து போய் கல்லரை சேர்வார்களா ?

இது போன்ற விடை தெரியா வினாக்களை விதையாக விதைக்கதான் முடிகிறது . அக்கறையுள்ளோர் அறுவடை செய்யுங்கள் .