நாயகனுக்கு சாமானியனாய் சில கேள்விகள்!!!

பரப்பரப்பாக அங்கும் இங்கும் நடந்தவாரே கையில் இருந்த புத்தகத்தை புரட்டி கொண்டிருந்தான் . அவன் முகம் பயத்தில் உறைந்து வியர்வையில் நனைந்திருந்தது.

முதல் கேம்பஸ் நேர்காணல் அதுவும் மிகப்பெரிய கம்பெனி அதில் தேர்வானால் அவன் வாழ்க்கை பிரகாசமாக ஓரங்கட்டி விடப்படும்.

அவன் குடும்பம் குதூகலத்தில் துள்ளிகுதிக்கும் . அவன் தந்தை தர்மத்தின் தலைவனாய் ஊரே போற்ற கொண்டாட படுவார் . தாயோ கடவுள் தான் காரணம் என்று கண்ணீரில் மிதந்திருப்பார்.

ஆனால் இவையெல்லாம் அவன் தேர்வான அந்த நொடியில் தான் அனைவருக்கும் நிகழ்ந்திருக்கும்.
அவனுக்கு நன்றாக தெரியும் அவனின் ஆங்கில புலமையை பற்றி , நம்மை ஆண்டவன் அழிந்தாலும் அவன் விட்டுசென்ற ஆங்கிலம் இன்றும் நம்மை ஆண்டுகொண்டு தான் இருக்கிறது என்பதற்கு இதுவே சாலசிறந்த உதாரணம் .

நேரம் நெருங்க நெருங்க நேர்காணல் அறை இன்னும் பரப்பரப்பானது அவன் மட்டுமல்ல அங்கிருக்கும் வருங்கால அடிமைகள் அத்துனை பேருக்கும் அதே பதட்டம்தான் மந்திரமாய் ஓலித்துகொண்டிருக்கும்.

ஒரு வேளை தேர்வாகாமல் போனால் அதை எப்படி கையாள்வது என்பதை கூட கற்று கொடுக்காத கையாளாகாத கல்வியை தான் வருங்காலபாரதத்திற்கு மன அழுத்தமாய் விதைத்து கொண்டிருக்கிறோம்.
என்றாலும் கூட
அவன் பெயர் அறிவிக்கபட்டுவிட்டது.

முதல் நேர்காணலை எதிர்கொள்ள தயாராய் அவன் கால்கள் மெல்ல நகர்ந்தது . இஸ்திரி போட்ட ஆடையும் வியர்வையில் ஊறிப்போயிருந்தது.

நேர்காணல் அறைக்குள் மூன்று உருவங்கள் , தெய்வமான முன்னாள் அடிமைகள் என்றும் கூட கூறலாம் கால்மேல் காலிட்டு கம்பீர தோரனையில் மிடுக்காய் அமர்ந்திருந்தன.

இவனும் தனக்கான நடையை மறந்து தயக்கமான நடையில் அருகில் சென்றான் , தான் இதுவரை பெற்ற பணம் தரும் சான்றிதழ் பட்டாக்களை அவர்கள் முன் நீட்டினான்.

முன்னாள் அடிமைகளில் ஒருவன் தனக்கான சைகையில் அவனை அமர சொன்னான் . பின் மூன்று முன்னாள் அடிமைகளும் அவர்களை அறிமுகம் செய்துவிட்டு , இவனின் அறிமுகத்தை கேட்டனர் .

ஓய்வெடுத்து கொண்டிருந்த வியர்வை சுரபிகள் மீண்டும் சுனாமியாய் வெளிவர துவங்கின. பத்து விநாடி யோசித்த அவன் மூளை தன் மண்டைக்குள் ஏற்றிய அவனின் அறிமுக மனப்பாடத்தை வாய்வழியே தங்குதடையின்றி கொட்டி தீர்த்தது .

அவன் தேர்வாவதும் தேர்வாகாமல் தெருவில் நிற்பதும் அடுத்த கதை , தன்னை பற்றிய அறிமுகத்தை கூட மண்டையில் ஏற்றி , மனப்பாடம் செய்தா ஒப்பிக்க வேண்டும் . ஒரு வேளை அப்படி மனப்பாடம் செய்து ஒப்பிக்க தான் இந்த சமூகமும் , கல்வியும் அவனுக்கு கற்றுகொடுத்திருக்கிறதா என்றால், அதன்வழியே வந்தவன் என்ற முறையில் அதுதான் நிச்சயமான உண்மை .

முன்னாள் அடிமைகளின் குரல் அவன் தேர்வாகி விட்டதாய் ஒலித்தது . பின்னாள் அடிமையாக போகிறோம் என்ற மகிழ்ச்சியில் அவன் மனம் முழுக்க மத்தாப்பு வெடித்து.

வருடாந்திர அடிமையாக்கும் ஒப்பந்தத்தில் கையெழுத்திட்டுவிட்டு
அடுத்த மாதம் வேலையில் சேரலாம் என்று ஒரு கடிதமும் அளிக்கப்பட்டது.

மாதம் முப்பதாயிரம் சம்பளம் என்றாலும் மனப்பாட மூளையையும் அதை ஒப்புவிக்கும் மனதையும் வைத்துகொண்டு வாழ்க்கையை சாதித்து விட்டோம் என என்னும் அவனின் எண்ணம் நம் சமூகம் அவனுக்கு அளித்த பரிசு .

இந்த தலைமுறை மட்டுமல்ல இனி வரும் வருங்கால பிஞ்சுகளுக்கும் , கல்வியை பணத்திற்காக அடமான வைக்கும் காவுபொருளாக தான் கற்றுகொள்ள கற்பித்திருக்கிறோம்.
அதன் வெளிப்பாடே இக்கால இயந்திர மனிதர்கள் ... இனியாவது இந்நிலை மாறட்டும் என்ற ஏக்கத்தில் இக்கால இயந்திர மனிதன் ..

‪#‎இயந்திர_மனிதர்கள்‬